Колхозонь эряф/1936/06/ССРСть Конституцияц/1
| СОВЕТСКЯЙ СОЦИАЛИСТИЧЕСКЯЙ РЕСПУБЛИКАНЬ СОЮЗТЬ |
| КОНСТИТУЦИЯЦ |
| (Основной Законоц) |
| I главась
ОБЩЕСТВЕННАЙ УСТРОЙСТВАСЬ |
1-це СТАТЬЯСЬ. Советскяй Социалистическяй Республикань Союзсь — рабочаень и крестьянонь социалистическяй государства.
2-це СТАТЬЯСЬ. СССР-ти политическяй основакс ащихть трудяень депутатонь Советтне, конат кассть и кемекставсть помещикень и капиталистонь властть йордаманц вельде и пролетариатонь диктатурать завоеваниянц вельде.
3-це СТАТЬЯСЬ. СССР-са марнек властьсь ащи ошень и велень трудяйхнень кядьса, трудяень депутатонь Советтнень вельде.
4 це СТАТЬЯСЬ. СССР-ти экономическяй основакс ащихть хозяйствань социалистическяй системась и производствань средстватнень и орудиятнень лангс социалистическяй собственностсь, конат тиевсть-кемекставсть хозяйствань капиталистическяй системать машфтоманц вельде, производствань средстватнень и орудиятнень лангс частнай собственностьть машфтоманц вельде и ломаньца ломанень эксплатировандамать машфтоманц вельде.
5-це СТАТЬЯСЬ. СССР-са социалистическяй собственностьсь ащи либо государственнай собственностень формаса (сембе народонь достояния), либо кооперативно-колхознай собственностень формаса (эрь колхозть собственностец, кооперативнай об‘единениять собственностец).
6-це СТАТЬЯСЬ. Модась, сонь недранза, ведьтне, вирьхне, заводтне, фабрикатне, шахтатне, рудникне, машина-кинь, ведень и воздушнай транспортсь, банкатне, связень средстватне, государствать марта организовандаф велень хозяйствань крупнай предприятиятне (совхозтне, машино-тракторнай станциятне и ст. т.), а тяфта жа коммунальнай предприятиятне и основной жилищнай фондсь ошева и промышленнай пунктнень эзга ащихть государственнай собственностекс, лиякс мярьгемс, сембе народонь достояниякс.
7-це СТАТЬЯСЬ. Колхозтнень и кооперативнай организациятнень эзга общественнай предприятиятне синь живой и мертвай инвентарьснон марта, колхознай и кооперативнай организациятнень тиеньдеви продукциясна, станя жа синь общественнай постройкасна ащихть колхознай и кооперативнай организациянь общественнай, социалистическяй собственностекс.
Эрь колхознай кудсь, общественнай колхознай хозяйствать эзда основнай доходта башка, эсь личнай пользованиясонза кирьди усадьбань перьфень аф оцю участка мода и кирьди усадьбань перьфень участканц лангса личнай собственностень подсобнай хозяйства, эряма куд, продуктивнай жуватат, нармоньт и велень хозяйствань мелкай инвентарь — вельхозяйственнай артелень уставть коряс.
8-це СТАТЬЯСЬ. Колхозтнень кядьса ащи модась кемексневи синь мельгаст [ 26 ]питнефтемя и срокфтома пользованияс, лиякс мярьгемс навечна.
9-це СТАТЬЯСЬ. Социалистическяй системань хозяйствать марта ряцек, конац СССР-са ащи хозяйствать господствующай формакс, законсь нолни (допускает) единоличнай крестьянонь и кустарень мелкай частнай хозяйства, кона ащи личнай труд лангса и кона аф нолни иля ломанень трудонь эксплоатация.
10-це СТАТЬЯСЬ. Граждантнень личнай собственностень праваснон синь трудовой доходснон и сбереженияснон лангс, эряма кудснон и кудонь подсобнай хозяистваснон лангс, кудонь хозяйствань и обиходонь предметснон лангс, личнай потреблениянь и удобствань предметснон лангс, станя жа кода граждантнень личнай собственностень лангс наследованиянь праваснон — вансы (охраняет) законсь.
11-це СТАТЬЯСЬ. СССР-ть хозяйственнай эряфоц арьсекшневи и водендакшневи государственнай народно-хозяйственнай планть коряс стама интересса, штоба касфтомс общественнай паршить, апак лотксек кепедемс трудяйхнень материальнай и культурнай уровеньснон, кемекстамс СССР-ть неэависимостенц и виияфтомс сонь обороноспособностенц.
12-це СТАТЬЯСЬ. Трудсь СССР-са ащи эрь трудоспособнай гражданинти обязанностекс и честень тевкс ся принципть коряс: „кие аф работай, ся аф ярцай“.
СССР-са йотафневи эряфс социализмань принципсь: „кажнайста сонь способностенц коряс, кажнайти — сонь трудонц коряс“.