Колхозонь эряф/1935/04/Прощай, Миша
| Прощай, Миша |
Нят шитнень эзда газетатьнень лопаснон лангс равжа йондолкс кифчаць противнай равжа рамкась, конац сатозе эсь потмозонза Безбородов фамилиять и Миша лемть
Тя лемти стакаль и пяк дасада путомс траурнай равжа рамкась ся, мес газетатьненьди сон ульсь родной брадкс и ялгакс. Миша Безбородовсь кассь „Од велень“ — тяниень „Мокшень правдать“ и „Колхозонь эряф“ журналть мархта и кассь лангсонза мянь тнярс: Мишась мокшень литераторхнень йоткса ульсь сядонга кенерьф поэткс. Сон маштсь эсь творчестванць лангса работама, сон маштсь темань вешема сон маштсь трудностьнень сяскома, но маштсь и ялганьди лездома! Безбородовть творчествац тонафць лама од писательхть конат арасть сонь вайгяленц полафтома.
Дасада. Миша фамилиянеконь йоткста явштомс равжа рамкас тонь фамилияцень! Минь ширьденок мокшень трудяйхне учихть од морот, од вайгяль а тонь мокшень цьофкс кирьфтазе вайгяльцень тя проклятай чахоткась.
Прощай минь кельгома ялганьке
Прощай!...
Виард, Атянин, Илькинов, Пинясов, П. Левчаев, Клещунов, Чумаков, Бебан, Макулов.