Колхозонь эряф/1933/06/Минь литературань ударниконекя

МИНЬ ЛИТЕРАТУРАНЬ

5.		1.
3.		7.

 

1. Шестов Никит Степанович. „Колхозонь эряф“ журналть ответ. редактороц, шачсь 1894-це кизоне Ашхабад ошса, коза аляц тушонць 1891-це вача кизоть эзда. Эрь пингонь эряма вастоц Вирь Ордаж велеса, Темникавонь районца, 1918-це кизоста сявомок ащи ВКП(б)-нь членкс, революциянь кизотнень районца вяць партийнай работа. 1932-це кизоне шумордазе Сембе союзонь коммунистическай журналистикань институтть. Шестов ялгать инициативанц коряс „Валда ян“ журналть лемоц полафтф „Колхозонь эряф“ лемкс и сонь жа инициативанц коряс журналть общественно-политическайста и велень хозяйственнайста шарфтф литературно-художественнайкс.

Журналть юбилейста казьф фотоаппараца.

 

2. Безбородов Михаил Ильич. „Колхозонь эряф“ журналть литературнай корреспондентоц, шачсь 1907-це кизоне сире Пиченкужа велеса, Слободань районца. Журналть эса сонь литературнай трудонза ушоцть лисендема васень номерхнень эздакигя итянингя лисендихть номерста-номерс. Ащи членкс журналть редколлегияса.

Журналть юбилейста казьф — костюмса.

 

3. Черапкин Иосиф Григорьевич. „Колхозонь эряф“ журналть научнай сотрудникоц, сембода сире корреспондентоц, шачсь 1884-це кизоне Иса Пря велеса, Инсарань районца сьора-видиень семьяса. Журналти сьормачни эсь трудонзон васень номерста сявомок тяниень пинькс. Ащи членкс журналть редколлегияса.

Журналть юбилейста казьф промтоварса 100 цалковаень питне.

 

4. Леонтьев Сергей Борисович. „Колхозонь эряф“ журналть ингольцень редактороц шачсь 1899-це кизоста октябрь ковста середняконь семьяс Кужа велеса Зубово-Полянскай районца. „Колхозонь эряф“ журналть эса уйфць

 

УДАРНИКОНЕКЯ

 

2.
6.	4.

 

работама 1931 кизоне, самай ся пинкть эзда, мзярда журналсь йотафць инь стака пинге. 1930-це кизоне „Колхозонь эряфсь“ лотксефневсь лисеньдемода, калмосевсь, кода мярьгоньдихть. Бажанов ялгать и сонь инициативаснон вельде 1931-це кизоне „Колхозонь эряфсь“ кармафтовсь одукс лисеньдема. Тяни работай редакторкс „Мокшонь правда“ газетать редакциясонза, ащи членкс журналть редколлегияса. Журналть юбилейста казьф костюмса.

 

5. Порватов Трофим Максимович. „Колхозонь эряф“ журналть литературнай редактороц, шачсь 1909-це кизоня ашу сьора-видиень семьяса Сузгярьгя велеса, Рузаевкань районца. „Колхозонь эряф“ журналть эса работай 1931-це кизоста сявомок и тяниень пингти. Васенда — 1931-це кизоня, лиякс азомс журналть кода башка изданиянь пуроптомста Порватов ялгась журналть эса работась аньцек ськамонза сяс, мес редакциять штаца ашельхть лия работнект. Порватов ялгась сембе виенц путнесы журналть литературнай и техническай ширьдя цебярьгофтоманцты, мезенкса журналть юбилейста сон казьф костюмса.

 

6. Козеняшев Петр Иванович. „Колхозонь эряф“ журналть литературнай корреспондентонц шачсь 1899-це кизоне, Хлыдовка велеса. „Колхозонь эряф“ журналти сьормачни 1931-це кизоста сявомок и тянингя сонь литературнай произведевнянза журналса лисендихть номерста номерс. Жураналть юбилейста казьф письменнай приборса 60 цалковаень питне.

 

7. Морев Николай Павлович. „Колхозонь эряф“ журналть военнай корреспондентоц шачсь 1896-це кизоне Роряж велеса, Слободань районца. Журналть лопаширензон ланкса цебярьста няфнесы масторнеськонь обороноспособностенц кемокстамаса и Якстерь армиять эряманц колга работать. Журналть юб. казьф полевой сумкаса.