Колхозонь эряф/1932/19-20/Модать колга сьора-видиень наказась
| Модать колга сьора-видиень наказась |
„Модать колга кизефкссь, сембе сонь оцю шисонза, ули кода кочкамс и пяшкодемс аньцек всенароднай Учредительнай пуромксса,.
Модать колга кизефксть цебярьста кочкамац улеза тяфтама:
1. Модать ланкса частнай собственностень правась машфневи педа-пес; модать аш кода аф мишендемс, аф рамсемс, аф арендас али залокс макссемс, аф коданга лиякс сонь явфнемс.
Сембе модась: государственнайсь, удельнайсь, кабинецкайсь, монастырен- несь, церковнайсь, посессийннайсь, майоратнайсь, частновладельческайсь, обще- ственнайсь и сьора-видиеннесь и ст. тов сявондеви питнефтема, шарфневи сембенародонь достояниякс и йотни сембе сонь ланксонза работай трудяйхненди.
Имущественнай переворотть эзда сталмонь кандыхнень (пострадавшайхнень) мельгя кадондовихть аньцек прават синь общественнай поддержкаснон колга, ся пинкти, конац тейст эрявксты эсь эряфснон од условияс ладяманцты.
2. Сембе мода потмонь козяшитне, рудась, нефтась, цятксь, салсь и ст. тов, а тяфта жа вирьхне и веттне, конат кирдихть общегосударственнай значение, йотнихть аньцек государствать кядьалу (государствать пользованияс). Сембе йомбла ляйня тия, озератне, вирьхне и ст. тов. йотнихть общинатнень пользованияс эста, кда синь ланксост заведываниясь ули вастонь самоуправлениянь оргаттнень ширьдя.
3. Оцю культурань хозяйства мархта модань участкатне: саттне, плантациятне, рассадникне, питомникне, оранжереятне и ст. тов, аф явондовихть, а шарфневихть показательнайкс и макссевихть государствать али общинатнень пользованияс, синь оцю шиснон и значенияснон ланкс ваномок.
Усадьбань, ошонь и велень модатне азоронь саттнень и перетнень мархта кадондовихть эсь азорснонды, но эряви азомс, што синьцень участкатнень оцю шисна и синь иньксост налоксь путневихть занонодательнай порядкатнень коряс.
4. Алашань завоттне, казеннай и башка азоронь плямань жуватань водяматне, нармонень водяматне и ст. тов, сявондевихть, шарфневихть сембе народонь достояниякс и йотнихть али аньцек государствать пользованияс, али общинатненди, синь оцю шиснон и значенияснон ланкс ваномок.
Выкупть (рамамать) колга кизефкссь эряви ванондомс Учредительнай пуромксса.
5. Сембе хозяйственнай инвентарсь, конац ульсь сявонтьф модатнень ланкса, живойсь и мертвайсь, йотни государствать пользованияс али общинатненди, синь оцю шиснон и значенияснон ланкс ваномок, апак рамак.
Инвентарьсна аф сявондеви аньцек кржа мода мархта сьора видихнень.
6. Модать ланкса пользованиянь прават макссевихть сембе Российскай государствань ломаттненди (аф ваномок сянь ланкс, сок-аля али ава), конат йорайхть работамс сонь ланксонза эсь вийсост, эсь семияснон вельде али ялга вельде фкя-фкянди лездозь и аньцек снярс, мзярс синь вийсост работамс сонь. Сиводезь работафомась модать ланкса аф ноляви.
Кда обществань кодама-кодама членць машты вийда 2 кизонь кувалмос, то велень [ 21 ]обществась максси обязательства, тя ломантть вийс кундаманцты, лездомс теенза сонь моданц марстонь вийса урядамаса.
Нят сьора видихне конат сире шиснон али инвалидносьцнон вельде аф работавихть модаснон ланкса, валхневихть модань пользовандама праваста, но тянь васц теест макссеви государствать ширьдя пенсия.
7. Землепользованиясь улеза уравнительнай, лиякс азомс, модась явондови трудяйхнень йоткса, вастонь условиятнень, трудовой али потребительнай нормать ланкс ваномок.
Модань пользованиянь форматне улест йофси свободнайхть, подворнай, хуторскай, общиннай, артельнай, кода ули путф башка велетнень и поселкатнень эса
8. Сембе модась, сонь сявомдонза меле, макссеви общенароднай модань фондти. Сонь трудяйхнень йоткова явшеманц йотафнесазь вастонь и центральнай самоуправлениятне, демократическайста пуроптф бессословнай велень и ошонь общинатнень эзда сявомок, центральнай областной учреждениятненди молемс.
Модань фонць сидеста ули кода полафнемс, эряйхнень касомаснон и велень хозяйствать производительностенц и культуранц касоманц ланкс ваномок.
Модань наделонь границатнень полафтомста наделонь васень ядрась илячни апак полафнек (апак токсек).
Туф члеттнень модасна макссеви меки модань фондти, но эряви азомс, што нят туф ломаттнень модаснон получамс инь оцю праватне макссевихть синь маластонь радняснонды али нят ломаттненди, конатненди мярьксть синць туфне
Модати путф удобрениять и мелиорациять питнец (модать цебярьгофтоманц питнец) сяс, мес синь ашесть использовандав модань меки максоманц вельде, модать меки модать фондти максомстонза, эряви пандомс.
Кда башка васттнень эса уликс модась аф сатни тоса эряйхненди, то лишнай эряйхне эрявихть йотафтомс эряма лия васц
Лия васц эряма йотафнемать, станя-жа, кода и тя тевть вельде лисьф карьхцне и инвентарень, и мянь макссемась эряви сявомс соньцень государствать ланкс.
Лия васц эряма йотафнемась мольфневи тяфтаня: эсь мяль вельде йотай модафтома сьора видихне, общинань порочнай ломаттне, дезертирхне и лиятне и тяда башка жерьбиса каязь али эсь мяль вельдя.
Сембе тя наказть эса азонтф пункттне, кода сембе Россиянь пяк лама сьора видихнень мяльсна, азондовихть аф лама пингонь законкс, конац мянь Учредительнай пуромкснень самс эряви йотафнемс эряфс сяда курок а кой-кона вастонзон эса тяфтаня, кода азсазь сьора видиень депутатонь уезднай Советтне.