Колхозонь эряф/1932/12-13/Эряви анокламс пря Октябрскяй революциять киветиеце кизонцты

	ЖУРНАЛТЬ  МОРАФТЫЕНЗОНДЫ
	„Валда ян“ журналть лемоц полафтф, „Колхозонь эряфс“ сяс мес, „Валда ян“ лемсь йофси аф няфнесы тяниень пиньгонь эряфть, мезе стамсь „ВАЛДА ЯН“? ян, яння, дяряй социализмати молхтяма яннява? Аф! Молхтяма социализмати кели кига, колхознай эряфть вельде, тянгса и ВКП(б)-нь обкомть секретариатонц путфксонза „Валда ян“ журналть лемоц полафтф „Колхозонь эряфс“.
	РЕДАКЦИЯСЬ

 

Эряви  анокламс  пря  Октябрскяй  революциять
киветиеце  кизонцты

Кода исть корхне эсэрхне, меньшевикне, а мархтост марнек масторлангонь буржуазиясь, „катк сявсазь большевикне властть, семба сяка кафта неделяда лама тейст аф кирьдеви“ изь лисе видекс ня корхнематтне, большевикне властть сявозь и кирцазни аф „кафта неделят“, а вов киветиеце кизось.

Лама ульсь тюремада, аш стама, марнек Совецкяй союзсонок, ужоня коса сон изь уль тя тюремась. Тя тюремада меле, кода ульсть тапафт марнек акшотне, а синь мархтост марнек мастор лангонь буржуазиясь. Тя тюремась машты ушодома петема—ладяма эсь срафтф калафтф народнай хозяйстванеконь. Петевсь ушодома марнек одукстамс эряфонеконь, ушодомя тиема фундамент социалистическай экономикати, штоба ся фундаменть ланкс тиемс, од социалистическяй, классфтома общества, социализма.

Кода корхнесть меньшевикне эсэрхне и буржуазиясь, што аф кирдеви власць, станя види шири моли оппортунистневок корхнесть: „аф эряви сявомс тяфтама вишкя темпат, кда мезевок аф лиссь“. Эряфсь токазень ня корхнематьнень, аф валса, а тевса Сталин ялгась мярксь: „Аш нинге стама крепостть, конатьнень изезь сявонде большевикне“.

Тяни няйсаськ полафць марнек Союзнеконь географияц, коса ульсть вирхть тяни тоза кассть од ошт — индустриальнай центрат: Магнигогорск, Кузбасс, Бобриконь химкомбинат и лият. Велень эряфонекя арась инь оцю велень водяма хозяйствань марнек мастор лангста.

Изь йота тя марнек тевсь тяфтама вадявста кода сьорматф тяса. Аф лама ульст тюремада. Тя тюремэсь из йота вакска минь Мокшэрзянь областень териториятке. Тясонга ульсь тюремат и тюрематне ульсть аф йомлат.

Тянгса мон и тердян сембе мокшонь литературнай вийхнень, писательхнень, поэттнень, общественнай работникнень, кода тяни работайхнень, а тяфтаже сембя сятьнень, конат ушоцть работама Мокшэрзянь областень територияса 1917 кизонь ушодомс, сембе якстерь гвардеецьнень и якстерь партизаттнень и сембе ляды ялгатнень, сьормадомс эсь лятьфнемаснон тя тюремать колга, ушодомс февральскей революцияда меле октябряти анокламать, октябрскяй революциять йотнемац и совцкяй властть васенце аськолксонза.

Тя максомс кода художественнай формаса, стихса мороса, азксса, лятфнемаса, очеркса и ст. тов. Эрявихть няфтемс тефт, ломатть и вастт коса ульсь, кда улихть кодама докуметт, то кучемс, кда аф документ, то копият, конат улест завереннайхть велень совеца, али рикса.

„Колхозонь эряф“ журналсь ня сембе кучф материалхнень нолдасыне октябрскяй революцияти сборникс „октябрскяй революциясь Мокшэрзянь облазьса“

„Колхозонь эряф“ журналть редакцияц надияй, тя терьдемать каршос кучихт минь мокшонь, эрзянь, рузонь и лия лигературнай работникне, писательхне, поэттне и общественнай работникне и специалисттне материал, кода мольсь тюремась пролетариатть диктатуранц кемокстманц инкса и няфцазь кодама сатфкст тифт Мокшэрзянь облазьса.

Нолдаф материалхнень инкса ули пантф гонорар.

„Колхозонь эряф“ журналть редакцияц.

 

Викисёрматфкстнень редакторонь эзда

Ватт тяфта жа петькс:
Петькс // Колхозонь эряф, 14 (35) №, 10-це август