Кем өсөн? Шәйехзада Бабич

← Йәш шағирҙың ҡәбер ташында

Кем өсөн (шиғыр) автор Шәйехзада Бабич

Кефү түгел →

Ижад итеү ваҡыты: 1916.

Кем өсөн?

Айға үрләп, нурҙа уйнап,
Күкрәгемде нурланым.
— Ит ғәфү әй, ай, — тинем мин, —
Нурҙарыңды урланым.

— Һис зарар юҡ, ал, — тине ай, —
Ал да сәс нур халҡыңа;
Мин дә бит төн хаҡына
Алдым ҡояштың нурҙарын.

1916

---

____ • Сығанаҡ: Бабич Шәйехзада. Ал да сәс нур халҡыңа: шиғырҙар / Шәйехзада Бабич. — Өфө: Китап, 2020. — 192 бит.