Канѡ̑ны, си́рѣчь кни́га пра́вилъ/Пра̑вила га́нгрскагѡ собо́ра
свѧты́хъ собо́рѡвъ
вселе́нскихъ и҆ помѣ́стныхъ,
и҆ свѧты́хъ ѻ҆те́цъ
Пра̑вила свѧта́гѡ помѣ́стнагѡ собо́ра га́нгрскагѡ.
[edit]Пра́вило а҃.
[edit]А҆́ще кто̀ порица́етъ бра́къ, и҆ жено́ю вѣ́рною и҆ благочести́вою, съ мꙋ́жемъ свои́мъ совокꙋплѧ́ющеюсѧ, гнꙋша́етсѧ, и҆лѝ порица́етъ ѻ҆́нꙋю, ꙗ҆́кѡ не могꙋ́щꙋю вни́ти въ ца́рствїе: да бꙋ́детъ под̾ клѧ́твою.
Пра́вило в҃.
[edit]А҆́ще кто̀, съ благоговѣ́нїемъ и҆ вѣ́рою, ꙗ҆дꙋ́щаго мѧ́со [кро́мѣ кро́ви, і҆дѡложе́ртвеннагѡ и҆ ᲂу҆да́вленины] ѡ҆сꙋжда́етъ, а҆́ки бы, по причи́нѣ ᲂу҆потребле́нїѧ ѻ҆́нагѡ, не и҆мѣ́ющаго ᲂу҆пова́нїѧ: да бꙋ́детъ под̾ клѧ́твою.
Пра́вило г҃.
[edit]А҆́ще кто̀ ᲂу҆́читъ раба̀, под̾ предло́гомъ благоче́стїѧ, презира́ти господи́на, ᲂу҆клонѧ́тисѧ ѿ слꙋже́нїѧ, и҆ не съ ᲂу҆се́рдїемъ и҆ всѧ́кою че́стїю слꙋжи́ти господи́нꙋ своемꙋ̀: да бꙋ́детъ под̾ клѧ́твою.
Пра́вило д҃.
[edit]А҆́ще кто̀ ѡ҆ пресвѵ́терѣ, встꙋпи́вшемъ въ бра́къ, разсꙋжда́етъ, ꙗ҆́кѡ не досто́итъ причаща́тисѧ приноше́нїѧ, когда̀ таковы́й соверши́лъ лїтꙋргі́ю: да бꙋ́детъ под̾ клѧ́твою.
Пра́вило є҃.
[edit]А҆́ще кто̀ ᲂу҆́читъ невозбра́ннѡ пренебрега́ти до́мъ бж҃їй, и҆ быва́ющыѧ въ не́мъ собра̑нїѧ: да бꙋ́детъ под̾ клѧ́твою.
Пра́вило ѕ҃.
[edit]А҆́ще кто̀ кромѣ̀ це́ркви ѻ҆со́бѡ собра̑нїѧ составлѧ́етъ, и҆, презира́ѧ це́рковь, церкѡ́внаѧ твори́ти хо́щетъ, не и҆мѣ́ѧ съ собо́ю пресвѵ́тера по во́лѣ є҆пі́скопа: да бꙋ́детъ под̾ клѧ́твою.
Пра́вило з҃.
[edit]А҆́ще кто̀ церкѡ́вныѧ плодоприношє́нїѧ прїима́ти, и҆лѝ раздава́ти внѣ̀ це́ркви хо́щетъ, без̾ во́ли є҆пі́скопа, и҆лѝ тогѡ̀, комꙋ̀ порꙋчены̀ таковы̑ѧ, и҆ не по во́лѣ є҆гѡ̀ твори́ти хо́щетъ: да бꙋ́детъ под̾ клѧ́твою.
Пра́вило и҃.
[edit]А҆́ще кто̀ дае́тъ, и҆лѝ прїе́млетъ плодоприношє́нїѧ ми́мѡ є҆пі́скопа, и҆лѝ поста́вленнагѡ ᲂу҆правлѧ́ти благотворе́нїѧми: и҆ даю́щїй, и҆ прїе́млющїй, да бꙋ́детъ под̾ клѧ́твою.
Пра́вило ѳ҃.
[edit]А҆́ще кто̀ дѣ́вствꙋетъ, и҆лѝ возде́рживаетсѧ, ᲂу҆далѧ́ѧсѧ ѿ бра́ка, ꙗ҆́кѡ гнꙋша́ющїйсѧ и҆́мъ, а҆ не ра́ди са́мыѧ добро́ты и҆ свѧты́ни дѣ́вства: да бꙋ́детъ под̾ клѧ́твою.
Пра́вило і҃.
[edit]А҆́ще кто̀ и҆з̾ дѣ́вствꙋющихъ ра́ди гдⷭ҇а, бꙋ́детъ превозноси́тисѧ над̾ бракосочета́вшимисѧ: да бꙋ́детъ под̾ клѧ́твою.
Пра́вило а҃і.
[edit]А҆́ще кто̀ презира́етъ творѧ́щихъ ве́чєри любвѝ по вѣ́рѣ, и҆ созыва́ющихъ бра́тїю въ че́сть гдⷭ҇а, и҆ не хо́щетъ и҆мѣ́ти ѻ҆бще́нїе въ приглаше́нїѧхъ, ни́зкимъ почита́ѧ твори́мое: да бꙋ́детъ под̾ клѧ́твою.
Пра́вило в҃і.
[edit]А҆́ще кто̀ и҆з̾ мꙋже́й, ра́ди мни́магѡ подви́жничества, ᲂу҆потреблѧ́етъ сꙋро́вꙋю ве́рхнюю ѻ҆де́ждꙋ, и҆, а҆́ки бы ѿ сегѡ̀ полꙋча́ѧ пра́ведность, ѡ҆сꙋжда́етъ тѣ́хъ, кото́рые со благоговѣ́нїемъ но́сѧтъ ше́лкѡвыѧ ѡ҆дѣѧ̑нїѧ, и҆ ᲂу҆потреблѧ́ютъ ѻ҆́бщꙋю и҆ ѻ҆быкнове́нїемъ при́нѧтꙋю ѻ҆де́ждꙋ: да бꙋ́детъ под̾ клѧ́твою.
Пра́вило г҃і.
[edit]А҆́ще нѣ́каѧ жена̀, ра́ди мни́магѡ подви́жничества, премѣни́тъ ѡ҆дѣѧ́нїе, и҆, вмѣ́стѡ ѻ҆быкнове́нныѧ же́нскїѧ ѻ҆де́жды, ѡ҆блече́тсѧ въ мꙋжскꙋ́ю: да бꙋ́детъ под̾ клѧ́твою.
Пра́вило д҃і.
[edit]А҆́ще кото́раѧ жена̀ ѡ҆ста́витъ мꙋ́жа, и҆ ѿитѝ восхо́щетъ, гнꙋша́ѧсѧ бра́комъ: да бꙋ́детъ под̾ клѧ́твою.
Пра́вило є҃і.
[edit]А҆́ще кто̀ дѣте́й свои́хъ ѡ҆ставлѧ́етъ и҆ не пита́етъ, и҆ не приво́дитъ, по возмо́жности, къ подоба́ющемꙋ благоче́стїю, но, под̾ предло́гомъ ѿше́льничества, неради́тъ ѡ҆ ни́хъ: да бꙋ́детъ под̾ клѧ́твою.
Пра́вило ѕ҃і.
[edit]А҆́ще котѡ́рыѧ дѣ́ти, под̾ предло́гомъ благоче́стїѧ, ѡ҆ста́вѧтъ свои́хъ роди́телей, наипа́че вѣ́рныхъ, и҆ не воздадꙋ́тъ подоба́ющїѧ че́сти роди́телѧмъ, да бꙋ́дꙋтъ под̾ клѧ́твою. Впро́чемъ правовѣ́рїе да бꙋ́детъ и҆́ми соблюда́емо предпочти́тельнѡ.
Пра́вило з҃і.
[edit]А҆́ще кото́раѧ жена̀, ра́ди мни́магѡ подви́жничества, ѡ҆стриже́тъ власы̀, котѡ́рыѧ да́лъ є҆́й бг҃ъ въ напомина́нїе подчине́нности: такова́ѧ, ꙗ҆́кѡ нарꙋша́ющаѧ за́повѣдь подчине́нности, да бꙋ́детъ под̾ клѧ́твою.
Пра́вило и҃і.
[edit]А҆́ще кто̀, ра́ди мни́магѡ подви́жничества, пости́тсѧ въ де́нь воскре́сный: да бꙋ́детъ под̾ клѧ́твою.
Пра́вило ѳ҃і.
[edit]А҆́ще кто̀ и҆з̾ подви́жникѡвъ, без̾ тѣле́сныѧ нꙋ́жды, возно́ситсѧ и҆ разрѣша́етъ посты̀, пре́данные къ ѻ҆́бщемꙋ соблюде́нїю и҆ храни́мые це́рковїю. пребыва́ѧ прито́мъ въ по́лномъ ра́зꙋмѣ: да бꙋ́детъ под̾ клѧ́твою.
Пра́вило к҃.
[edit]А҆́ще кто̀, прише́дши въ надме́нное расположе́нїе, гнꙋша́ѧсь ѡ҆сꙋжда́етъ собра̑нїѧ въ че́сть мꙋ́ченикѡвъ, и҆ соверша́ємыѧ въ ѻ҆́ныхъ слꙋжє́нїѧ и҆ па́мѧти и҆́хъ: да бꙋ́детъ под̾ клѧ́твою.
Пра́вило к҃а.
[edit]Сїѧ̑ же пи́шемъ, поставлѧ́ѧ прегра̑ды не тѣ̑мъ, кото́рые въ це́ркви бж҃їей, по писа́нїю, подви́жничествовати жела́ютъ, но тѣ̑мъ, кото́рые подви́жничество прїе́млютъ въ по́водъ го́рдости, возно́сѧтсѧ над̾ живꙋ́щими про́стѡ, и҆ вопрекѝ писа́нїѧмъ и҆ церкѡ́внымъ пра́виламъ вво́дѧтъ но́вѡсти. Таки́мъ ѻ҆́бразомъ мы̀ и҆ дѣ́вство, со смире́нїемъ соедине́нное, чти́мъ, и҆ воздержа́нїе, съ че́стностїю и҆ благоче́стїемъ соблюда́емое, прїе́млемъ, и҆ смире́нное ѿше́льничество ѿ мїрски́хъ дѣ́лъ ѡ҆добрѧ́емъ, и҆ бра́чное че́стное сожи́тельство почита́емъ, и҆ бога́тства съ пра́вдою и҆ благотворе́нїемъ не ᲂу҆ничижа́емъ: и҆ простотꙋ̀ и҆ малоцѣ́нность ѻ҆де́ждъ, ᲂу҆потреблѧ́емыхъ то́кмѡ ра́ди попече́нїѧ ѡ҆ тѣ́лѣ неизы́сканнагѡ, похвалѧ́емъ: а҆ и҆знѣ́женнагѡ въ мѧ́гкой ѻ҆де́ждѣ хожде́нїѧ ѿвраща́емсѧ. И҆ до́мы бж҃їи почита́емъ, и҆ собра̑нїѧ быва́ющыѧ въ ни́хъ, ꙗ҆́кѡ свѧты̑ѧ и҆ полє́зныѧ прїе́млемъ, незаключа́ѧ благоче́стїѧ въ дома́хъ, но почита́ѧ всѧ́кое мѣ́сто, со́зданное во и҆́мѧ бж҃їе, и҆ хожде́нїе въ це́рковь бж҃їю на по́льзꙋ ѻ҆́бщꙋю прїе́млемъ: и҆ и҆збы́точествꙋющыѧ благотворє́нїѧ бра́тїй, по преда́нїѧмъ, посре́дствомъ це́ркви ни́щымъ быва́ющыѧ, ᲂу҆блажа́емъ: и҆, да рече́мъ вкра́тцѣ, жела́емъ, да быва́ютъ въ це́ркви всѧ̀ принѧ̑таѧ ѿ бж҃е́ственныхъ писа́нїй и҆ а҆по́стольскихъ преда́нїй.