Учкали, туган, учкали, туган,
Урамын туж бадӟым буран.
Тон гуртын весь изиськод,
Номыре адӟытэк улӥськод.
Мукет калык туж шаплы,
Кытын сутын удмуртлы.
Кияз басьтэ, пеляз понэ,
Отчы-татчы городэ ветлэ.
Удмурт, созэ-тазэ валатэк,
Асьмеос улом, шуэ, Советтэк.
Асьмелэн дышетӥсьёс туж ӧжыт,
Тӧдьыосын кошкиллям — туж возьыт.
Асьме калык, куанер калык.
Туж ук пичи асьме байлык.
Ойдолэ, огинэ ваньмы кариськом,
Ӟеч улон-вылон поттом.
Ог ар, кык ар улыса,
Советын ужась тыршыса,
Удмуртлы капчи луоз,
Пеймыт улон но быроз.
