Йӧра

by Колегов Егор Васильевич

Пожӧгын (Кулӧмдін уезд) Госторгса агент Федот Шахов кыйӧма йӧра.

Селькор.

1. Пожӧгын.

— Мыйла нӧ талун Госторг лавкаыс игана?..

— Ог тӧд, Матрен тьӧтка... Тӧрыт игана нин вӧлі. Юсьӧма, буракӧ, агентыс, сійӧн и игана...

2. Туй вылын.

— Кытчӧ нин, тӧварыш Шахов, ветлін?

— Кутшӧм ме тэныд тӧварыш!.. Ме — агент, а тэ газетӧ гижысь — зырымбедь!..

3. Милиционер ордын.

— Ноко, Шахов ёрт, висьтав: кыдзи тэнад нимыд да вичыд?

— Федот Иванӧвич.

— Партийнӧй абу?

— Абу...

— Кӧнкӧ служитан он?

— Госторгын агентала...

— Сэсся висьтав меным со мый: тэ пӧ кыйӧмыд йӧра, сійӧ збыль али абу?

— Збыльнас эськӧ збыль да, ме ӧд, батюшкоӧй, ачым пикӧ вои...

— Кыдзи нӧ тэ пикас воин?

— Ме кая вӧлі вотчыны... То есть не вотчыны, а пес керавны... Туй бокӧ кежи, да йӧраыд гусьыс бырскӧбтіс, ме вылӧ кутіс воны — сёйны и кӧсйӧ... Аслад юрыд ӧд жаль... Сэк ме сэсся и лыйи.

— Пессӧ кералігӧн нӧ мыйла ружйӧсӧ новлӧдлан?

— Мало ли ӧд... Вермасны лёк йӧз паныдасьны... А тэ ачыд тӧдан — сӧветскӧй служитысь вылӧ мукӧдыс лӧгалӧны.

— Йӧрасӧ кыйны ӧд ӧні оз позь, кыйысьясӧс сӧвет власьт шуліс мыждыны, сы йылысь тэ тӧдан вӧлі али он?

— Как жӧ... Меным сы йылысь висьтавлісны гижсьӧдӧмӧн... Йӧраыс кӧ гусьыс эз бырскӧбты да ме вылӧ кӧ эз кут каттьысьны, ме эськӧ эг и лый...

— Сідзкӧ тэнад невӧляысь лои вины?

— Конечно.

— Сідзкӧ тэ лыйин да сэтчӧ вӧрас и колин?

— Эг... Гортӧ кыски... Семьялы нинӧм вӧлі сёйны, сійӧн яйсӧ и вайи, юрсӧ да ӧти лопатка вичкоӧ пукті... А чӧскыд вӧлӧма сылӧн яйыд!..

— Кучикыс нӧ кӧні?

— Вӧчӧдны сеті... Опять жӧ семья понда... Локтӧ тулыс, а кокӧ сюйны нинӧм.

4. Нар. Судын.

— Мыждана, кыдзи тэнад ним-овыд?

— Федот Иванӧвич Шахов.

— Партияын абу?

— Двадцатӧй годсянь нин ог состоит...

— Сэтчӧдз кутшӧм партияын вӧлін?

— Коммунистӧ гижсьылі...

— Мыйла нӧ эськӧ сэтысь киритчин?

— Дзик пустякиысь... Белӧйладорӧ пышйӧмысь вӧтлісны...

— Судӧ войдӧр сюрлін эн?

— Никак нет... Весиг свидетельӧ эг сюрлы, сӧмын ӧтчыд штрапуйтлісны.

— Мыйысь нӧ штрапуйтлісны?

— Из-за пустяков... Лавкаын вӧлі ӧбразъяс вузала да ӧти морт придеритчыліс...

— Йӧра кыйӧмысь тэ асьтӧ мыжаӧн лыддян он?

— Сё ей-богу, вокъяс, эз кӧ йӧраыс гусьыс бырскӧбты да ме вылӧ кӧ эз кут каттьысьны — ме эськӧ эг и лый. То енмыс (чӧвтӧ пернапас), ыджыд кристос батюшко тӧдас: ме кая вӧлі вотчыны... То есть не вотчыны, а пес керавны... Сэк йӧраыд и бырскӧбтіс да ме вылӧ нападитіс...

5. Мыжданшуӧм.

Именем Р. С. Ф. С. Р. Народный Суд 3 участка Усть-Куломского уезда, в составе: нар. судьи Опарина и нар. заседателей: Запретова и Безбожникова, рассмотрев уголовное дело по обвинению агента Госторга Федота Иванова Шахова по 99 ст. Уг. Код., нашел, что гр. Шахов, исключенный из Российской Коммунистической партии (большевиков) за переход на сторону белогвардейцев и оштрафованный за продажу в лавке Госторга икон, убил заповедного лося, чем и нарушил обязательное постановление Обисполкома, воспрещающее охоту на лосей во всякое время года.

Показаниями свидетелей селькора и гр. Видящего виновность Шахова вполне доказана; ссылки его на якобы сделанное со стороны лося нападение неосновательны, тем более, что гр. Шахов в своем показании говорит о выходе убитого им лося из берлоги, тогда как лось берлоги не строит. А потому Нар. суд приговорил: Агента Госторга Федота Ивановича Шахова по 99 ст. Уг. Код. подвергнуть к денежному штрафу в доход государства на сто (100) рублей, с конфискацией у него охотничьего ружья.

Подписи.