Милям гурезь туж бадӟым но,
Изэз гинэ туж ӧжыт.
Асьме карын удмурт трос но,
Удмурт шӧмзы туж ӧжыт
Сарама сяська туж чебер но,
Ческыт зыныз туж ӧвӧл.
Кылынымы вӧй кадесь но,
Сюлэм ӟечмы туж ӧвӧл.
Кикы пиез чечег сюдэ,
Аслаз пиез кожаса.
Куд-куд пиез портфель сюдэ,
Сое визьмо кожаса.
Тылобурдо пизэ сюдэ,
Сюлмаськыса быдэстэ.
Пиосыз нош бурдъясько но,
Лобӟыло но кошкыло
Асьме область туж тыршыса
Нылпиоссэ дышетэ,
Выль улонлы юрттоз шуса,
Вань кужмыныз быдэстэ.
Таосыд нош кудӥз-огез
Папа пилы укшало:
Дышетсконэз быдтыло но,
Область сьӧры пегӟыло.
