Зывгӧм висьӧм кагаяслӧн
Медбур лекарство зывгӧм висьӧмысь бур сёян, сӧстӧм воздух, шонді югыд.
Висьысь кагаӧс ёнджыка колӧ вердны пуӧм йӧлӧн, небыдика пуӧм колькйӧн, чӧскыдджык няньӧн. Арӧн-джынйӧнысь кӧ ыджыд сійӧ, нӧшта позьӧ вердны яйӧн.
Тӧждысьны колӧ оланін видзны сӧстӧма: бус ни, няйт ни, лёк дук ни мед эз вӧв сэн. Унджыкысь колӧ ыркӧдлыны оланінсӧ выль воздухӧн, ӧдзӧс либӧ ӧшиньяс восьтывны. Сӧмын висьысьӧс оз ков лэдзны пукавны тӧв йылын. Гожӧмын висьысьӧс видзны ывлаынджык. Висьысьясӧс, арӧн-джынйӧнсянь, оз кӧ кызны, шоныда пасьтӧдӧмӧн тӧвся шоныд лунъясӧ колӧ петкӧдлыны ывлаӧ гуляйтны.
Оз лӧсяв висьысьлы пемыд, васӧд да кӧдзыд оланін. Колӧ сійӧс видзны югыдінын, шонді водзын.
Медбур гожӧмын лӧнинӧ лӧсьӧдны мича сӧстӧм лыа. Жар лунъясӧ висьысьясӧс видзны лыа вылас. Пӧрччӧдны найӧс, сӧмын еджыд чышъянӧн чышъянӧдны. Зыртны висьысьлысь кокъяссӧ кыкысь кымын лун кежлӧ небыдик фланельӧн либӧ ной торйӧн.
Посньыдик висьысьясӧс оз ков мырдӧн дыр пукӧдны лыа вылын, мед эськӧ оз гӧрбыльтчыны.
Татшӧм зывгӧм висьӧмӧн висьысь кагаясӧс кызӧм да мыт висьӧмыд ёнджыка висьӧдӧ. Сы вӧсна найӧс ёна колӧ видзны да дӧзьӧритны наысь.
|
This work is in the public domain in the United States but it may not be in other jurisdictions. See Copyright.
|