Енсянь тай меӧй пукси...

by Лыткин Георгий Степанович

Енсянь тай меӧй пукси
Медсӧстӧм (югыд) инас;
Бур йӧзсянь тай меӧй пукси
Медгажа инас;
Лёк йӧзсянь тайӧ меӧй пукси
Вежалан инас;
Юр выв тай меӧй пукси
Юр выв вевта инас
Кокув тай меӧй пукси
Кокув поска (поса) инас;
Лӧсалӧма тай меӧй пукси
Лӧсалӧма улӧс вылас;
Зарни тай меӧй пукси
Зарни нитша керка бердӧ;
Коми пи тай меӧй пукси
Коми пиӧн керӧм ӧшинь дорас.
Ыджыд из тай меӧй пукси
Вӧрзьытӧма пырысь (вӧрзьӧдчытӧм вылӧ);
Сир мыр тай меӧй пукси
Чуктытӧма (сирасьӧма) пырысь;
Коз пу мыр тай меӧй пукси
Сардмӧма пырысь;
Кыдз пу мыр тай меӧй пукси
Кельдмӧма (кельдӧдӧма) пырысь;
Пипу мыр тай меӧй пукси
Вижӧдӧма пырысь;
Бадь пу (ляк бадь пу) мыр тай меӧй пукси
Вужъясялӧма (коръясялӧма) пырысь;
Ловпу мыр тай меӧй пукси
Гӧрдӧдӧма пырысь;
Тыла мыр тай меӧй пукси
Сьӧдӧдӧма пырысь;
Роч сунис тай меӧй пукси
Орана выям;
Лыа дор тай меӧй пукси
Буждана выям;
Кыркӧтш (кӧдж) дор тай меӧй пукси
Кырана выям;
Вабергач тай меӧй пукси
Бергӧдчана выям;
Вавыв тув тай (лапкор) меӧй пукси
Мынана (дзирс мунана) выям.

Ва визлач тай меӧй пукси
Визувтана выям;
Лӧнь куръя дор тай меӧй пукси
Сыктылӧ петкӧдана выям;
Сыктыв дор тай меӧй пукси
Эжваӧ петкӧдана выям;
Эжва дор тай меӧй пукси
Двинаӧ петкӧдана выям;
Двина дор тай меӧй пукси
Мореӧ петана выям.
Море визулӧ кӧ тай меӧй пета,
Шудӧй кӧ менам оз ло (оз тырлы),
Морт нэм тай меным, коньӧрлы,
Шӧрӧд лоас кылавны,
Помсӧ-дорсӧ абу аддзывны,
Пыжтӧг-пелыстӧг кывтлыны,
Гыысь гыӧ ветлыны:
Ӧтар вадорсьыс тай мына (чужйыся),
Мӧдар вадорас тай ог во.