Долой война!
Капиталист войналы рад,
Войнаыс озырмӧдӧ сійӧс.
Кӧть усяс миллион салдат,
Оз жалит найӧс сюйны биӧ.
Припев:
Злӧдейяс, дугдӧй кисьтны вир!
Долой война! Мед олас мир!
Эз вермы гнуснӧй Уолл-стрит
Кореяын морт вирӧн пӧтны
И лӧсьӧдчӧ, кыдз лёк бандит,
Выль тышӧн миян вылӧ петны.
Припев.
Америкаысь Белӧй дом
Оружйӧ мӧдӧдӧ Вьетнамӧ,
Мед сэн свободаыслы пом
Захватчик вӧчас рӧзбой сямӧн.
Припев.
Ми — мирнӧй йӧз! И ставӧн ми
Война войналы объявитам.
Ми ӧзтім мирлысь югыд би
И выннымӧс сы гӧгӧр йитім.
Припев.
Вир юысьяс, кӧть эргад ті,
Кӧть атом бомба киад кутад,
Ог полӧй ми и шуам ми:
Сурӧвӧй суд водзӧ ті сувтад!
Припев.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
The author died in 1951, so this work is also in the public domain in other countries and areas where the copyright term is the author's life plus 72 years or less (if applicable), or the copyright term is 72 years or less since publication (if applicable). |
|