Гӧрд дӧрапас
Синваӧн ойдӧма му помтӧг,
Став олӧм миян — сьӧкыд удж.
Но воас регыд сиӧм кадыс,
Кор мезмас удж, — он сійӧс вудж!
Юргы, сьылӧм миян, гӧгӧр кыв!..
Му пасьта миян гӧрд пас тӧвзьӧ,
Нуӧ вермасьӧм шы, ыджыд гым,
Кӧйдыс бур олӧмлысь кӧдзӧ,
Чим гӧрдӧн пӧртмасьӧ — весь ӧзйӧ;
Сэн вирным миян биалӧ,
Вир уджалысьлӧн виялӧ!
Мед важӧ кыскысьяслы колӧ,
Кыдз войдӧр, кыйны черань поз, —
Лёк — синтӧм, вынтӧм — помсӧ олӧ,
Бур кыптӧ югыд шонді моз.
Юргы, сьылӧм миян, гӧгӧр кыв!..
Пом йӧзӧс нартитӧмлы воӧ.
Оз мортлы кӧин кодь ло морт.
Сэк мезмӧм уджыд шуда лоӧ,
Став йӧзыс — вок, став муыс — горт!
Юргы, сьылӧм миян, гӧгӧр кыв!..
Тшӧтш, вокъяс, водзӧ мунам ставӧн,
Ки мӧда-мӧдлы сетӧмӧн...
Код ыджыд тӧвлы шуас: «сувт пӧ!»
Мый сэтшӧм му вылын ён эм?
Юргы, сьылӧм миян, гӧгӧр кыв!..
Мед уджалысьӧс гӧрӧм бырӧ,
Ми омӧльыслысь бертам вуж,
Ми индам мулы туйсӧ выльӧс —
Мед ӧтнас ыджыд лоӧ Удж!
Юргы, сьылӧм миян, гӧгӧр кыв!..
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). The author died in 1923, so this work is also in the public domain in other countries and areas where the copyright term is the author's life plus 100 years or less (if applicable), or the copyright term is 102 years or less since publication (if applicable). |
|