Гӧрд армияӧ мунӧм
Гӧрд армияӧ мунӧ
Кызь арӧса том морт,
Прӧщайтчысь локтіс уна —
Дзик тыри сылӧн горт.
Мам шуис: «Дона пиӧй,
Зэв ыджыд тэнад шуд!»
Бать содтіс: «Зумыд киӧн
Винтовкатӧ тэ кут!»
Чой-комсомолка кайтіс:
«Тэ комсомолец бур.
Но ёнджыка, ме чайта,
Сэн югдас тэнад юр!»
«Тшӧтш тэкӧд эськӧ муні, —
Ки лэптіс дзоля вок: —
Да толькӧ ичӧтлунӧй,
Со мыйысь меным шог!»
И муса ныв сэн шуис:
«Видз Сӧвет мусӧ тэ!
Зэв югыд тэнад туйыд.
Ог вунӧд тэнӧ ме!»
Став йӧзлӧн юргис-кыліс:
«Куж служитны, бур пи!»
А ӧти зон нин сьыліс,
Кыдз врагӧс нӧйтлім ми.
И том морт вочавидзис:
«Сэн быдмас менам борд.
Сэн индас, овныд кыдзи,
Мем Ворошилов ёрт!»
1941 во.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
The author died in 1951, so this work is also in the public domain in other countries and areas where the copyright term is the author's life plus 72 years or less (if applicable), or the copyright term is 82 years or less since publication (if applicable). |
|