Гӧрд Армияын (II)
«Ми велӧдчам. Тіянлы тшӧтш колӧ»
Бур вокъяс, коми крестьяна! Ми служитам Гӧрд Армияын. Ми зэв ёна велӧдчам лыддьысьны-гижны. Велӧдчам тшӧтш военнӧй делӧӧ. Гӧрд Армияын ми вӧчам Ленин ёртлысь шуӧмсӧ: «Дасӧд во Октябрса революция тыран лун кежлӧ мед оз коль ньӧти лыддьысьны-гижны кужтӧм морт».
Коми ёртъяс! Ми надейтчам — ті тшӧтш босьтчанныд велӧдчыны, нуанныд олӧмӧ Ленин ёртлысь шуӧмсӧ. Ті кӧ велӧдчанныд лыддьысьны-гижны, велаланныд и уджавны му-видз бердын. Велӧдчӧмӧн ті уна бур аслыныд дай Сӧвет власьтлы вӧчанныд. Велӧдӧй челядьнытӧ. Асьныд велӧдчӧй. Велӧдчӧм некутшӧм омӧльтор оз вай. Бурыс сыысь зэв уна. Ми тані дас кык гӧрдармееч ёна видзӧдам, кыдзи ті кутанныд велӧдчыны.
Гӧрдармееч Юхнин.
Ас газет дона.
Миянлы Гӧрд Армияӧ воӧ «Югыд туй» газет. Миянлы зэв нимкодь сійӧ, мырддьысям да лыддям помысь помӧдз. «Югыд туй» пыр ми тӧдмалам олӧм-вылӧмсӧ ас йӧзлысь, аддзам, кыдзи олӧны бать-мамъяс, чой-вокным. Зэв ыджыд аттьӧ ыстам «Югыд туй» газет редакциялы. Ми Гӧрд Армияын чорыда кианым кутам винтовка, видзам Гӧрд Октябрлысь венӧм лунсӧ. Ті асланыд газетӧн ещӧ нин ёна отсаланныд миянлы бура овны, лӧсьыда велӧдчыны, збоймӧданныд сьӧлӧм.
Гижсьӧмаӧсь 8 гӧрдармееч.
Редакциясянь: ми «Югыд туй» газет ыстам быд часьтӧ, кӧні эмӧсь коми гӧрдармеечьяс. Газеттӧ оз ков мырддьысьӧмӧн лыддьыны, а лыддьыны чукӧрын прӧст кадӧ.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). This anonymous or pseudonymous work is also in the public domain in other countries and areas where the copyright term of anonymous or pseudonymous works is 99 years or less since publication. |
|