Гондыр куно люкам ӧтьса,
Ас гондыр роднязэ гинэ ӧвӧл —
Весь котырысьтыз зверъёсыз;
Кин син шораз ӝымем,
Кин солэн кӧтаз кельшем
Ваньзэ ӧтем.
Кисьтон-а, нуны сюан-а каре вылэм со? — ӧйтод,
Только со юон тае
Бадӟым данэ поттэм.
Кыӵе юон, кыӵе сиён, кыӵе вина
Вылэм отын!
Гондыр ачиз пе шӧдӥське
Ас утялтэмезлы куноослэсь шумпотэмзэс.
Золгес шумпоттон понна
Со куськем пе кырӟаны но эктыны.
Ӟичы кизэ чапке пе,
Гондырлэсь эктэмзэ мактаса:
— Ай, Микаль агай, чебер эктӥськод,
Ачид но йӧно, визьмо, шаплы, капчи — шуса.
Кион, соин артэ пукись марке,
Солэн пеляз лушкем вера:
— Кулэтэмзэ вераськод, кума, тон,
Инмар понна.
Кытысь солэсь йӧнозэ, шаплызэ,
Эктыны устозэ адӟид тон?
Ачиз — пуклё, кукыз — зӧк кор,
Эктэмез — ыскаллэн ворттэмез.
— Валатэк ачид тон, кудо, сапальтӥськод —
Ӟичы шуэм кионлы
Мон ке сое мактай озьы
Асьмемыз со нош кӧлыны кельтоз
Нош но зол секталоз, утялтоз.
