Вундӧм (Попов Дмитрий Яковлевич)
Лунтыр копрасям ми муӧдз:
Чарла вӧрӧ, чарла ворсӧ,
Сэні шӧрсӧ ректіс кушӧдз,
Сэні куштӧ сійӧ дорсӧ...
Йӧртӧд зарни няньӧн тыртам,
Сӧмын из да шомӧс вӧч!
Вӧвлы-мӧслы идзас пыртам,
Выя рокӧн пӧтас пӧч.
А кор бырӧ, йӧртӧд чышкам —
Гӧльлы уна оз и ков!
Коркӧ тшыгъялам, кор вишкам,
Корсям удж — бара нянь-сов!
Вундӧ зіля! Чомӧр вӧчам
Рытын небзьӧдам ми кос,
Чумалияс, сёрӧм тэчам...
Тэрыбджыка пуджӧй сос!
|
This work was published before January 1, 1929, and is in the public domain worldwide because the author died at least 100 years ago. |