САТЫ ЦЁРА МЕЛЬГАН ЯКАМС
(Стирень сиря моронят)
Саты, цёра, мельган якамс,
Елашкакс дят шаронда,
Саты пилькнень эса тапамс,
Кода тапсеть тялонда.
Тялонда тон улеть — цёра,—
Книгат теень морафнеть
[ 24 ]
Коста морсеть мокшонь морот,
Сединязень солафнеть.
Ламоксть ащеть шра песа,
Ванонкшнеть кода кштирьдян,
Кизефнеть: мзяра кесак
Тялоть ётамс шумордан.
Эста, цёра пинксь ульсь тялонь,
Якшамти ловсь цяторкшнесь,
Пингонь рахсезь, явсесь даволсь,
Ловса китнень таваткшнесь.
Тяни цёра, лия пинксь,
Большевиконь сась тундась;
Минь колхознеськ, Од эряфсь
Паксянь тефнеди кундась.
Сембя сокайхть, инзайхть, видихть
Тевнекя инголи тусть,
Ошста шефонек (я) пяк лездыхть
Паксязнок од трахторхт кучсть.
— Эх тефня паксяса лакайхть,
Тиемзост эряви вий.
Колхозникня стак аф ащихть...
Нолдась — од эряфонь вий.
Аньцек, тон в'дь сюдуф, цёра,
Лядоть валда эряфста.
Бта няймоска аф нолат...
Ков тон, ков азк веляфтат?
Мес паксяса, межа ёткса
Уманяцень аварьфцак?
Цёра, пилькня лябонь лоткса —
Зря тоза ваяфцак.
[ 25 ]
Косот тялонь пара валхня,
Конатнень пяк кельгончнийть?
Сюдуф, кельготнедязь кулакня,
Видя. Станя. — Визделеть...
1931 к.
|
|
