Вартӧм

by И. Митюшов

Югыд шонді петіс.
Мича лоӧ лун.
Мужик гортсянь мӧдіс:
Вартны нуӧ дум.
Рыныш дорӧ локтіс, —
Бабаяс нин сэн.
Вылӧ жӧ нин лыбис
Таво шепа стен.
Орччӧн гумла вылӧ
Кольта помысь-пом
Лӧсьӧдісны нывъяс, —
— Гажа, уджыс, мун!
— «Но жӧ сэсся босьтлӧй
Вартанъястӧ киад,
Гораджыка шлёчкӧй
Шепсӧ, баба, челядь!..»
Удж сэн вӧлись пузис,
Сӧмын кылӧ «жур»...
Идзас, шепъяс быгзьӧ,
Вартан сьылӧ дыр:
«Чи-ка-па-чи, па-чи,
Чи-ка»... нӧшта сюк...
«Чи-ка-па-чи, па-чи».. —
«Нӧшта кучкӧй здук!»
Кучкалӧмӧн водзӧ
Гумла кузя «швач».
Дугдывтӧг удж гызьӧ,
Бусыс вывлань кач!..