Валда ян/1932/09-10/Шахматтнень и шашкатнень значениясна
| Шахматтнень и шашкатнень значениясна |
Октябрьскай революциясь панчсь сембе трудяй крдатненди ки минь масторсонок трудонь производительностти, наукать и техникать содаманцты. А тяконь шовор СССР-са лувондови нинге лама сяда тьожатть, трудяй ломань колхозникт, велень-хозяйствань рабочайхть, сьормас афсодайхть, — и тя ся пинкть мзярда колхозонь, совхозонь келептема и кемокстама задачатне вешихть сембе трудяйхнень ширьде аф аньцек азбукань сьормас содама, но сатомшка содамс политикать и цебярь практическай работань качествать.
Минь эряма пинкстонок шахматтне и шашкатне йотасть сембе масторланкнень эзга, шахматтнень и шашкатнень кельгисна эрь шиня касы и касы, пуропневихть башка кружокт и союст.
Омба масторга нолиявихть лама шахматонь и шашкань литература, лувондови лама книгада и журналда.
Шахматтнень и шашкатнень мархта налхкомась ламонц эвфнесы и васендакигя арсихть синь шоряфокс и аф пяк шарьхкодивикс налхкомакс (башка шахматтне) Лиятне синь лувонцазь колендемакс, оцю ломаненди аф кондястиенди. Сембе тя, конешна, аф виде!
Тяфта корхнихть сят, кит аф маштыхть „пряснон мархта арьсемс“, кие мезевок аф шарьхкоди шахматонь налхкомаса, кие ащи ингольдень пауконь пизоса и пяк ичкизи иляць масторланкса общественно политическай эряфста
Пролетарскай революциянь вожць В. И. Ленин кельгозень шахматтнень, и аф ваномок сянь ланкс, што пяк ламоль работац, сон шахмаца пяк лац налхколь эряви азомс, што шахмаца и шашкаса станя ашесть налхконкшне сембе масторланкса кода СССР-са. Лама кемонь тьожатть ломань налхкихть шахмаца и шашкаса.
Мес тя тяфта?
Сяс, што совецкай власьць няезе, што шахматтне и шашкатне, йоню культурнай крдатненди арсихть эрявикс и кемя орудиякс, тя культурать инкса тюремаса орудиякс, конань вельде сатови политикать содамац.
Шахматтне и шашкатне ломантть касфцазь политическай содама ширенц и кошарцазь сонь книгати и творчествати. Тяконь шовор эряви азомс, што шахматтне и шашкатне тюремат, но тяса сяськись аф ся, конань лама виец али кинь „павазоц“, а сяськись ся, кинь сяда работай пряц. Шахматтне и шашкатне ломантть аф аньцек йонияфцазь, но и тисазь сонь организованнайста, виюста и решительнайста. Шахмаца и шашкаса налхкити пуроми привычка лувондомс фактатнень и тянь мархта сон эряй пяк спокойнай стака пинкнень. Мумс лисема инь стака пинкста. Шахмаца и шашкаса эрь пингонь налхкомась ваймама аф макссихть, синь ваймафтядязь аньцек эста кда шахмаца налкат 4 партият и шашкаса — 6 партият.
Сизеф ломантть ламос арсемс пряц аф кирьди, а тяста лисенди, што сон аф ули сясь кикска.