Валда ян/1931/07-8/Сьоронь анокламась Мокшэрзянь облазьса
| Сьоронь анокламась Мокшэрзянь облазьса |
Оцю политическай задачат путфт иньгольнок сьоронь аноклама тевса. — Васенькигя сьоронь аноклама планць улель вельф пяшкетьф государствать мархта максф пиньгта иньголе, Тя эряви тиймос кода колхознай секторста, а станежа башка эряйхнень ширеста.
Нят путф иньгольнок задачатне тя кизонда йотафтавихть эряфс сяда цебярста иньгольдень кизотнень коряс. Сяда цебярьста йотафцайнек эряфс сяс, што мес тяни политическай условиятьне ниньге сяда цебярьсть иньгольдень пинькнень коряс. Иотай кизонда тя пингста колективизациясь ульсь аньцек 12-13%, а тя кизонда коллективизациясь кассь 50%, а тя политическай сатфксь корхтай сянкса, што исяконь башка сокайть политическай и экономическай ширец шашць социалистическай ки ланкс, исяконь башка эряись арась центральнай фигуракс велети — сон сувась колхозу, коса активнайста работай марстонь тевса тя центральнай фигурать вельде — колхозникть, сяда тьождя пяшкедемс эрь политическай задачась.
Башка эряйсь ашусь, середняксь стане-жа политическайста кассь оцюста иньгольтень пинькнень коряс, хоть сон тя пиньгоне ашезьара колхознай рятнень йоткс, а ванды сон стане жа арай колхозникокс, сяс иофсю аш ков путомс стама мяль, б та анъцек колхосне аноклалезь сьороть;? - башка эряй ашусь и середняксь тя кизонда тяфтамажа вийса кярьмоди сьоронь анокламатненди синь станя-жа кода и колхосне пяшкоцазь пинькта инголя сьоронь аноклама планцнон, макссазь сембе лишной сьороснон государствати. башка эряись ашусь середняксь тя оцю политическай задачать пяшкедьмоста няфцы анокста эсь прянц аф анцек сьоронь анокламать эса но и сьоронь плант пяшкедьмоста сувай колхозу. Лама вастова ни башка эряйхне якстере обозса ускиихть сьорот и эздыкие сувайхть колхозу, а тя корхтай сянкса, што тя задачась пяшкедеви вельф.
Кда сявмос экономическай ширеста сьоронь аноклама тевть, танга корхтай сьнкса, што тя задачась пяшкедеви вельф путф пингта иньголе, тундань видемать эса няевсь, што видьме сьорода сяда лама иотай кизоть коряс и витьф паксясь сяда цебярь уражай максь тя кизнда, стане жа урядама пиньгсь тя-кизнда ладяф сядя цебярьста и курок, а нят сатфкснень мархта ниньге сяда цебярь сатфкст сатывыйхт сьоронь аноклама тевса.
Большевикокс пяшкедьмос сьоронь аноклама планць.
Сембе условиятне корхтайхть, што тя задачась пяшкодеви вельф, но пяшкедеви эста, кда большевикокс кундатам тя тевти и аф карматам надьяма эсьотяма тевнь мольмать ланкс. Весень-кигя эряви-сембе партийнай, комсомольскай и профсоюзнай организациятненди и сембе совецскай общественностти пуроптомс тя тевсь эрь вастова, кода политическай задачатнень азондомаснан эса трудяень крдатьнень иоткова, а стане-жа лацемс вийсь практическайста эряфс йотафтомать эса
Эряви васень кие цебярьняста ладямс классовай китьксть вятемац, штоба кулакть контрреволюционай агитациянц каршес аф аньцек колкосне якстерь обозса пяшкеделезь сьоронь аноклама планцнон вельф, а штоба башка эряйхневок ашусь и середнякс сембе лишнай сьороснон милизь тяниок государствати. Эряви тяниок кинь-ланкс путневи кеме задания вешемс, штоба пяшкоделезь, видеста азмос, штоба кулацкай зажиточнайхнень верхушкать кяцта сявмос сембе плантть коряс ащи лишнай сьороц. Тя кизонда сьоронь анокламать эса катк кармайхть аноклама аф аньцек колхосне а сембе башка эряй середнякне и ашуфневок, сембе лишнай сьороть эряви мимос государствати.
Тя политическай тевть вешемста эряви кемоста тюрьмос оппортунистическай мяльхнень мархта, кода види шири молийхнень, кона оцю пелькс вастокс ащи тя пингста, види шири оппортунистне тевень вятема кармаихть кода попугайхть кулакть валонзон эса сьоронь аноклама тевсонга, кармайхть сельгонь ноляма стака вастнень иотамста и стак тов. Стане жа вишкоптемс тюремас „кяржи“ шири коматьнийхнень мархта, конат кармайхть тя тевть эса вятема йотай кизонь эльбятькснень, кармайхть сьоронь анокламать вельде раскулачивазь и стак-тов. Тя пиньгти эряви ниньге сяда цебярьста ладямс политическай азондома тевсь колхозникнень иоткса штоба тянь вельде вишкоптемс тюремась башка пяльхнень мархта, конат кармайхть лисендема кулакнень куркста, штоба кирьдемс лишнай сьора колхозти, и аф мимос государствати, ведь минь содасаськ што кулацкай агитациясь кармай молема аф аньцек башка эряйхнень иоткса, а яци башка колхозникненьге [ 7 ]йоткс сяс тя пиньгти эряви вишкоптемс политическай азондома тевсь, штоба ниньге сяда цебярьста ладямс колхознай тевсь.
Сьоронь анокламать мархта пяшкодемс лия задачатненьгя.
Сьоронь аноклама кампаниять эзда аш ков юкстамос лия политическай кампаниятнень, коллективизациять, займать, велень налогть и стак-тов. Сьоронь анокламась эряви йотафтомс лия политическай кампаниятнень мархта марса, васенькие коллективизациять, штоба тя пиньгоня ниньге сяда вишкоптемс коллективизациять, катк эрь башка эряй ашусь и середняксь, аф аньцек пяшкецазь сьоронь аноклама плантть, а тя пиньгонякигя сувайхгь колхозу, эрь вастова пуроптомс колхознай од волна. Стане жа пяшкодьмос лия задачатненьге. И эряви азомс, што кой—кона районца тя тевть иотафцазь ни, сявмос кода Чамзинкань районтть, — коса коллективизацияснон 25/VII шити арафтозь ни 81 проценц сяка же пинькти 14 колхос якстере обзса усксть сьорода 1463 цен. а тя корхтай сянкса, што цебярьста ладяф тевсь задачатнень пашкоцыйнь, аньцек эряви ладямс тевсь большевиконь мяльса, и вишкста тюрьмос оппортунистическай мяльхнень мархта.
Эряви азомс, што лама вастова тя тевсь апак ладяк боевойкс мянь тянинь пинкс усковихть пула песа, кода Ковылкинась, Теньгушавсь и лият. Штоба арафтомс боевой ки ланкс тевть эрь вастова эряви эрь организациять мобилизовать нят задачатнень пяшкедьма, эряви эрь вастова ладямс тевть пяшкодьмац социалистическай фкя-фкянь иотазь эрь организациять иоткса
Нят кофне июльсь и авгусць — сембода боевойхть, кода сьоронь анокламать эса, а стане жа сембе тефнень пяшкедьмоста, сяс эряви нят кофнень иотамс пяшкедьмос большевикокс сембе задачатнень, конат путфт иньгольнок партиять ширеста.