Валда ян/1931/06/Омба масторонь кулят
САС Штаттнень эса бастовандай рабочайхне и работафтома металлисттне тийсть „голоднай поход“.
Лама тьожань бастовандай углекопт и работафтома металлистт ялга и грузовикса перьф ащи ошнень эзда пуромсть Питтсбургу (угольнай и металлургическай промышленностень центрати). Демонстранттне йотнесть ошть оцю ульцянзон эзга тиенцть протестт вача шить каршес, конань эса синь эряйхть.
Демонстранттне каннесть кяцост пяк лама плакатт, коза сьорматфт лозункт работафтопненди пособиянь макссемать колга, полицейскайхнень террорснон каршес протесттнень колга. Вастонь власттне, конатнень кемоста ванфнесыня полициясь, атказасть тя рабочаень делегациять примамода, сяс и ашезь кулхонда рабочайхнень вешемаснон.
Польшаса автомобильнай транспортонь рабочайхне кепоцть забастовка.
Нят шитнень эзда Польшаса кепоцть забастовка ош йотконь и таксань автобусонь шоферхне. Газетатнень азондомаснон коряс баставандай 30.000-да лама ломань. Варшаваса забастовкась йотни пяк вишкста. Ульцятнень эс ашезь лись фкявок такса (автомобиль). Пяк лама такса, конат ашесть моль гаражу, бастовандай рабочахнень мархта ульцятнень эзга сяварькшнефт пряснон ланкс.
Варшаваса госслужащайхне тиенцть оцю митинг.
Нят шитнень эзда варшавань государственнай служащайхне тиенцть оцю митинг работама питнень 20 проценц кирьфтаманц каршес. Митинксь йотась пяк вишкя корхнема мархта. Фашистонь профсоюзонь представительхненди ашесть кадонда йотка корхтамс тя митинкть эса.
Митинкса примаф резолюция, конац тернесыня сембе служащайхнень эсь праваснон ванфнема, сянкса йотафтомс фсякай мерат, мянь забастовкати молемс.
Фашистонь студенттне врьгятнихть коммунистическай студенттнень ланкс.
Берлинскай университеца нят шитнень эзда фашистонь студенттне врьгятнесть коммунистическай, социалистическай и евреень студенттнень ланкс. Лама студентт фашисттне пиксесть. Полициясь и университетонь администрациясь ашесть ван тя ширетингя. Университець тяни аф ламос пякстаф.
Фашистонь рабочайхне Германияса тиенцть налетт рабочаень кварталхнень ланкс.
Блюкнураса (Брацншвейгонь провинцияса националсоциалисттне (фашисттне) тиеныть нападеният лама рабочаень квартира ланкс. Лама квартира тапаф, ня фашисттне пиксезь рабочайхнень аваснон и идняснон. Тяни синь тя налецнон мархта лувондови 5 стакаста ранендаф рабочайхть. Брауншвейгонь полициясь, конань эса руководителькс работай национал-социалист министер. Франценць тя пинкть афи варжакснесь фашисттнень нят врьгятнемаснон ланкс.
Малагаса пяк оцю забастовка.
Малагаса (Испанияса) бастовай рабочайхне йорасть нельгомс арестовандаф рабочайть, конань вятезь канвой вельдя ниля полицейскайхть. Полицейскайхненди лездома пуромсть жандарматне, конат кармасть ляцендема рабочайхнень ланкс. Синь 2 ломатть шавсть и 7 ломатть ранендасть.
Тя ляцендемать каршес протестонди рабочайхне тийсть всеобщай забастовка. Малага ошсь ащи осаднай положенияса.
Англияса касы работафтома шись.
22-це июньцта Англияса лувондось сембоц работафтомода 2.627.388 ломань али тяда ингольдень недлять коряс синь лассть 6.456 ломаньц и йотай кизоть ваксста 812.044 ломаньц.
Ответственнай редакторсь Л. Е. БАЖАНОВ.
| Обллито № 514 | Саранск, тип. „Красный Октябрь“ | Тираж |