Валда ян/1929/04/Индияса кепоцьть рабочайхне
Индияса кепоцьть рабочайхне
Аф весть-ни Индиянь ошне и велетне няеньцть восстаният, конатнень империалистне ляпияфнезь вер потмоса.
Но тнярс тоса кепсесть восстаният то крестьятне, то солдатне лия масторонь веронь потей империалистнень каршос, коста пяк-ни ласьки седизост кальдяв и стака эряфсна. Восстаниятнень вятнезь руководительфтема и сяс империалистне синь тьожденяста люпшнезь.
Тяни Индияса революционнай движениять вятемя арась рабочай клазсь, конань эса лувондови колма миллиотт ломань. Лама забастовкань йотафтомста индийскай рабочай клазсь няфтезя, што сон машты и йорай тюремс. Рабочай клазсь моли аф аньцек английскай влассть каршос, но и синьценгя буржуазияснон каршос.
Индияса тяни крьвязкшни империалистическай война и вии пролетариатонь революцият и колониянь восстаният. Индийскай революциясь одукс эрекстфкоцыень революционнай движениять Китайса, Индонезияса, Египеца и арай серьгятьксок сембя люпштаф нароттненьди. Малаткшнихть-ни шитне, мзярда Индияса шовори пролетарскай революциясь колониянь вистаниятнень мархта. Тяфта арьсекшнесы положениять коммунистическай интернационалсь.
Мес Индияса, Африкаса, Китайса и лия восточнай странатнень эса аф лотксихть революционнай восстаниятне империалистнень каршос?
Индияса бта ули синьцень парламенцна и самоуправлениясна. Но тевса хозяинкс лисеньди английскай наместниксь. Индиясь Англиянь сембода оцю колонияц, коса эряй 320 мил. ломань. Англиянь империалистне Индиянь ломатнень аф лувонцазь ломанькска и кода мяльсна, станя люпштайхть и таргайхть эздост сока.
Сяфтям кепотькс: нят кизотнень кшнинь кинь тиемста, кона сотнесы французскай колониять Конго‘ть океантть мархта, тя пингс кулось-ни стака работать эзда 17.000 негра. А тиф тя пингс сембоц аньцек 140 километра. Лисеньди 123 ловажа фкя километрас.
Стардантонца (Южнай Африкаса) голландскай фермерсь (помешексь) пиксозя негрань стирть и кадозя сотнефста крсатнень йоткс сараи. Крсатне порезь сойнь пильгя и кядь суронзон. Стирть машцть йожонза и кулось. Фермерти тянкса макссть ащемс кевонь куца аньцек 6 кофт.
Уэст-Битчартса (Восточнай Африкаса) акша ломатне кундасть негра, пикссезь, ваяфнезь, а сяда меля валозь красинца и плхтазь. И тянкса синь лангозост пуцть аньцек штраф, кода „телеснай повреждениянкса.
Но аф ламос иляткшни ломанень веронь потьнемс империалистненьди. Люпштаф народтнень кунара-ни ласьксь седизост вача шись. Индиясь кепоцьни, а сойнь ланкс ваномок кеподихть Китайнь и Африкань люпштаф народтневок и марстонь вийса коммунистическай штабть руководстванц ала пргаф цазь эсь масторснон лангста сембя империалистонь ине—куйхнень.