Валда ян/1928/02/Од ломатня революциять тиймоста

Од ломатня революциять тиймоста.

Мянь советски власть арамс од ломатненнь ашель эсь организациясна. Эрь од ломанць фабрикса и велеса работась скамонза. Исть мяргонть тейст пуроммода. Оцюазорть слуганза уженява ванцт од ломатненнь меля, штобы синь дялхть пуромшня. Кда рабочийхня ди сокай ломатня (оцюфня) кепоцть сиря власть ланкс, од ломатня кемоста лезцт махтост революциять тиемста. Синь фабрикова и заводга кепоцть марса оцю рабочийхнень мархта буржуйхнень ланкс. Велеста од ломатня фчек сявфтелхть вайнав, сембя арасть рабочийхнень шири и ифкя кядь ланкс кармасть работама. Од ломатня пяк кемоста лезцт революциять тиемста.

Синь тюрсть городовохнень и баярнь офицерхнень мархта. Ошованга сембя од ломатня сявсть кедезст ляцемат (винтовкат) пуромсть ифкя марс и тусть буржуйхнень шавондома. Велеста од ломатня, конат ся времаня улсть вайнаса, шарфтозь винтовкаснон эсь офицерснон ланкса и тусть рабочяй од ломатнень мархта ошу, кормасть ифкя кядь ланкса повсема и шавондома баярхнонь и буржуйхнень эса.

Синь эста лятфтазь, кода мархтост инголя корхнекшнесть баярхня и буржуйхня. И сембя кяжснон пандозь тейст. Велеста од ломатня, конат апак сяфтолхть вайнав, лезцть эсь аляснонди помощекнень паньмос. Лама эста од ломатня помещик шавсть, лама помещеконнь куд плхтасть.

Од ломатня революциять тиемста молсть пилгста-пилгс оцю рабочийхнень ди сокай ломатнень мархта. Синь тюрсть марса оцюфнень мархта, баярхнонь ди буржуйхнень утору. Маром оцю рабочийхня ди сокай ломатня панезь оцязорт ди баярхнонь, буржуйхнень миннь мастарстонок ди синць арасть власти.