Валда ян/1928/01/Видеда сяда лама питьни сьорода

Видеда сяда лама питьни сьорода.

Государстватькя, сокай ломатьненьгя инголя ащи оцю забота — касфтомс сьоронеськонь питьненц. Ков сяда лама ули витьф питьни сьорода (каньфтя, иляназда, шиньшарыда), тов сяда выгодна: сокай ломанць сяви эсь труданц инкса сяда лама ярмакта, а завотненди, фабрикатьненьди сяда лама ули сырьяда (вайдя, мушкта), омба масторунга ули мезя мимос.

Сяс государствась мекпяльдень пингоня кармась ваи сьоронь видихненди тиендема оцю льготат: 1) валхнесы ланкстост налокть пяленц, 2) максси пандомода видьмот, 3) максси минеральнай удобреният, 4) сяда курок и очеретфтома тиенди землеустройства и 5) максси инголи задаткат.

Кодама техническяй сьороть тейнек сембода пяк эрявихть? Тейнек эрявихть виденьдемс стама сьорот, конат максыхть вай мушка, крахмал.

Сембода эрявиксонди арси иляназсь. Сон максы фабриканеконди сырья и омба мастору — питьни товар.

Иляназ види хозяйстватненди правительствась максси пяк оцю льготат, налокта, видьмонь максомада башка, иляназь мушконь урядамс макссевихть стамка пулодма машинат.

Каньфть велева виденцазь аыьцек перева, а сон сембя сьоротнень коряс питьни, сяс эряви виденьдемс паксявонга. Каньфсь цебярь модаса паксясонга касы аф переда осалста.

Штоба кеподемс велень хозяйствать и промышленнозть эсь масторсонок, сокай ломатненди эряви виденьдемс сяда лама ваи сьорода — каньфтя иляназда. Тяннь эзда эстойст-ка сокай ломатненди ули сяда лама пользяда.