Быдманторъяслӧн быдмӧмыс
Туруныд, пуыд, став мукӧд пӧлӧс быдманторйыд и, ловъя моз жӧ олӧ, кулӧ и. Быдтор чужӧ кӧйдысысь. Видзӧдлӧй анькытшлысь быдмӧмсӧ. Ва пиын анькытш тукмӧ, ас пытшкас босьтӧ васӧ, юӧ. Тукмӧм бӧрас — сылӧн кучикыс кульыштчӧ. Сы кучик улын кык орчча кӧйдыс. Сійӧ и эм чужысьыс. На ӧтлаасянінын со эм чукля бӧжтор. Ӧти помыс сылӧн петӧ ортсыӧ, мӧдыс пытшкӧ чукыльтчӧ. Ортсыла помыс шусьӧ — вуж, пытшкӧссаыс — гар. Тайӧ вужъя-гаръясьыс да кык торъя сярсьыс и быдмӧ анькытшыд. Мыйӧн тайӧ кӧйдысыд веськалӧ муӧ, надзӧникӧн, онмысь моз, садьмас, эм кӧ сэні тырмымӧн ва да шоныд воздук. Медвойдӧр садьмас вужйыс. Сійӧ ӧтарӧ кутас паськӧдны туй да пыділань ныръясьны. Сійӧ вужсяньыс гӧгӧр петӧны посни вужъяс, сідзтӧ унджык вермасны сёян-юансӧ мусьыс босьтны. Вуж бӧрын гар кыпӧдӧ юрсӧ. Сійӧ вывлань кыссьӧ, югыдлань. Гарсьыс лоӧ идз да медводдза корйыс.
Став быдманторйыс тай чужӧ быдмӧ.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). This anonymous or pseudonymous work is also in the public domain in other countries and areas where the copyright term of anonymous or pseudonymous works is 97 years or less since publication. |
|