Ólim (Kúnxoja)
Ata-anam óldi tuwısqan qaldı,
Bul pálek basıma álamat saldı.
Aǵalar, bul ólim aqılımdı aldı,
Keynime tusip tur zalım, bul ólim.
Bul ólim qurıttı meniń halımdı,
Qıynadılar endi shiyrin janımdı,
Ashpadı ol meniń baq-ıǵbalımdı,
Keynime tusip tur zalım, bul ólim.
Shuwlap ballar qaldı, ata-analap,
Men júrermen qay bir jerdi papalap,
Bir nesheniń ırısqalıpı shamalap,
Keldiler basıma aǵa, bul ólim.
|
This work was published before January 1, 1930, and is in the public domain worldwide because the author died at least 100 years ago. |