Möta, no sciampé

by Angelo Trebo

Möta, no sciampé.

Möta, möta, no sciampé!
Ví pö, sonta dlungia me!
Dio te chiri belo iu,
fora por chisc bosc tan su.

T'es n iagher zonza amur,
döt copé é to laur.
Nia ne n'é da te sogü,
döt s'an sciampa da to fü.

Töa belëza tira a se,
chi co te vëiga n iade te.
Töa vidlada m'á toché,
sën t'an oste spo sciampé?

Mies vidlades toca jogn,
chi co é de cör dër bogn.
Che da me con ermes vën,
mai de me ne ponsa bën.