Se̿ng-géng/Sǎ̤-dǔ Iŏ̤-hu̿ing Nī Sṳ́
[ 610 ]
Sǎ̤-dǔ Iŏ̤-hu̿ing Nī Sṳ́.
 |
 |
 |
|
|
- Ca̿ chîng-bo̿ gâ̤ siǎ se̿ng gṳe̿ nă ŭ nă Cṳ̌ tĭ chṳ̆ lâ̤ gâ̤ Nǎi-Nǎi iáu gṳ̀ gâ̤ nâng-nṳ̌-gṳ̌ing, ciū-sī uòi ì-cài cèng o̿ gâ̤; ēng-ò̤-cǐ sī uòi o̿, iǎ nă ŭ duói dă̤-dí céng dàu-lǐ gâ̤ nêng o̿ gâ̤;
- Iŏ̤ng-gă̤-sĭ o̿ nì, sī éng-ṳē céng gâ̤ dàu-lǐ, iŏ̤ng céng gâ̤ dàu-lǐ sî-sî kă̤-kă̤ da̿u uòi-huo̿i-nêng séng-dǐ, cì-bĭ-dā̤ da̿u ě̤ng-ṳ̌ing dú ŏ̤ iáu uòi-huo̿i-nêng câi cì-dó:
- Uòi-huo̿i-nêng giǎng Dá Ciōng-Di̿, iáu Dá gâ̤ Gṳ̌ing Iǎ-Sú Gí-Dŭ ŭ-di̿, cǒng ŏ̤ dă̤-diō̤ áing-hṳ̄, kǒ̤-lǐng, běng-úing, nă uòi-huo̿i-nêng iǔ chěng-ì gìng o̿-séng.
- ¶ Uòi chū-gi̿ng nì gǐ-ciă gṳ̌ing ǎing-gēng í-diū céng gâ̤ dàu-lǐ, ciū cia̿u-diū uòi-huo̿i-nêng giǎng Dá ŭ-di̿ dă̤-diō̤ gáu-dō uòi gâ̤ dī, uòi ciū cèng ka̿u-uòi.
- Nǎi-Nǎi à, uòi giâ-gíng kṳ̿ing nì, uòi-huo̿i-nêng niōng nì o̿ uòi, uòi o̿ nì, uòi siǎ nă nì gâ̤, ēng sī gáu-dō nì séng gâ̤ dī, sī uòi-huo̿i-nêng giǎng buo̿i-chǒ tia̿ng-nī lâ̤ gáu-dō uòi gâ̤ dī.
- Uòi-huo̿i-nêng lâ̤ í-diū Cṳ̌ gáu-dō uòi gâ̤ dī ko̤̿ ca̿, iŏ̤ng ciū-sī o̿. Iŏ̤ng ciū-sī nì giǎng buo̿i-chǒ tia̿ng-nī lâ̤ gáu-dō nì gâ̤ dī, niōng nì í-diū ko̤̿ ca̿.
- Éng-ṳē si̿-gáing iǔ cèng-cāi pi̿ng nêng gâ̤ chṳ̆ lâ̤, ciū-sī ŭ duói ēng nēng Iǎ-Sú Gí-Dŭ ciŏ̤ nêng gâ̤ séng chṳ̆-si̿. Iŏ̤ng ciū-sī pi̿ng nêng gâ̤, sī cī uā cī sī Gí-Dŭ iáu Gí-Dŭ ca̿ do̿-tê gâ̤.
- Nì niōng siǎu-séng, sǎng-dă̤ mǎu-tiāu uòi lṳ̄-gua̿ ca̿-chěng gâ̤ dī, nì ga̿ing niōng sí-cṳ̆ dă̤-diō̤ siǒng nì gâ̤ dī.
- Mǎu-lō̤ng sū-mū nêng o̿ hio̿ng chîng ca̿ duōi, ēng cì-bĭ-dā̤ í-diū Gí-Dŭ gâ̤ dàu, ciū iáu Gí-Dŭ mǎu gúing-niǎ: [ 611 ]cǒng-lâ̤ cì-bĭ-dā̤ í-diū Gí-Dŭ gâ̤ dàu, iŏ̤ng nêng iáu Dá, iáu Gṳ̌ing, dú iǔ gúing-niǎ.
- Lâ̤ iǔ nêng da̿u nì ŭ-di̿, dṳ̌ing gâ̤ ēng sī iŏ̤ng dàu, nì ciū ēng niōng ciĕ-duòi gṳ̀ da̿u chio̤̿, iǎ ēng niōng iáu gṳ̀ chiǎng-úing:
- Iǔ nêng iáu gṳ̀ chiǎng-úing, ciū so̤̿ng sī iáu gṳ̀ câi-câi ca̿-ŏ̤.
- Uòi gu̿ iǔ cèng cāi dī iáu nì uā, ēng niōng nà mà̤ iáu cṳě siǎ-diū: uòi cèng siǒng ko̤̿ nì ŭ-di̿, dó̤ng-mīng iáu nì uā, o̿ nì gâ̤ ka̿u-uòi ŏ̤ sí-cṳ̆.
- Iáu nì câi nă Cṳ̌ tĭ chṳ̆ lâ̤ gâ̤ ci̿-mṳē gâ̤ gṳ̌ing, dú iáu nì chiǎng-úing.