Page:Колхозонь эряф 1940-03 24стр.jpg

This page has been proofread.

22	М. Безбородов

(Касфтсы толть, ёрдасы портфеленц)

Саят куду — кафту сястянь,
Курок срадыхть юргинь мяльхне.
Мон аф стаман, кода Мишань Ванясь,
Авань мельге гуленякс аф якан.
Кода шадось, тячи кяжса лакан.
Саят, суски копозт вяшки кальнясь.
Тя ли тев? Мархтот эряй ава,
«Седи ваксстонь», конат нинге мярьгихть,
Но, вов кудце сембе сякокс шава,
Тяфта, штоли, эсонок синь кельгихть?
Кда авась седицень аф пети,
Кда эряфсь ётни юрги пинекс,
Коза аньцек мяльхне тонь аф вятихть?
Мзяра кирдемс сави шинек-венек,
Тяфта кудса. Сянкса ни советса
Мяндихть пряснон инголен фкя лаца.
Курок сембонь колхозу мон вятьсайнь.
Эста кизя — ошу панчфса ацаф.

(Валхты лавця лангста газета)

Газетась од!

(Озай, морафты)

«Тюремс ворхнень каршес..»

(Эводезь)

Тяфта монь?! Кие, кие, арьсесь...

(Морафты)

«Том, а меки лувозь — мот.
Мотсь работай вельсоветса.
Тефнень эса сюрекс кецай.
Кулакнень мархта кирди соткс...
Колхозть ширес ваны пинекс,
Корхни: «марян стака шиненц»,
Вельсоветса оцю синтькст,
Сембе платтне мянь тя пинкс
Апак пяшкотть,
Яцефт ящекс.
Шири катфт
Ашусь, середняксь...
Аралаф Сема кулаксь.
Вельсоветсь шарфтф винань эрьхкокс.
Пинге Мотть ланга ни эрьхтемс...