|
Дон Гуан.
|
Пельфтида! А мезь монь эсон пельфтись?
|
Донна Анна.
|
|
Дон Гуан
|
Ну, эста лоткан;
Аньцек сянь тинь тяда панце вакстононт,
Кинди паваз лангозонт тинь ваномась.
Аф кирдян мон кодамовок надьяма,
Мезямавок кядьстононт аф вешан,
Но няендемс тинь эряфтада теень,
Кда эряма ни судендафан мон.
|
Донна Анна.
|
Арда, арда — ня валхнень аф тяса
Азончнемс, аф тяса ёндя лисенькшнемс...
Ванды сада пялон: ванды. К‘да
Пежетьтяда тяфтаня жа кельгемдон,
Мон прьматядязь — илятькя — познаня —
Мон аф няендян ни кингя арань ёт
Вдавойста...
|
Дон Гуан.
|
Ангел! Донна Анна!
Максоза тиньдеенть паваз шкабавазсь,
Кода тинць сонь максость нужа няити.
|
Донна Анна.
|
|
Дон Гуан
|
|
Донна Анна.
|
Маряк, эстине тума ни... тяка лангс
Озондомась седизон аф педи.
Таргасть мялезень эсь ширезонт
Светскяй кортамаса; пилене
Кнаркигя ни ашезь кулендь сонь.
Ванды мон прьматядязь.
|
Дон Гуан.
|
Аф смедондан
Верондамска ненгя, афи смедондан
Арьсемдонга павазозень колга...
Мон ванды няйхтядязь! — и афи тяса,
И афи салава!
|
Донна Анна.
|
Да, ванды, ванды
Коданя тинь лементе?
|
Дон Гуан.
|
Диего,
Диего де Кальвадо.
|
Донна Анна.
|
Дон Диего,
Прощайте няемазнок* (туй).
|
Дон Гуан.
|
|
(сувай Лепорелло).
|
Лепорелло.
|
|
Дон Гуан.
|
Лепорелло!
Монь пара Лепореллозе! Мон... мон...
Мон павазуван! „Ванды" — „познаня...
Илядьста“... Аноклак, мезь эряви,
Монь пара Лепореллозе... Ах, идькс мон
Павазуван тячи!
|
Лепорелло.
|
Донна Аннань
Марта, маряк, кортадя? Сон пади
Азсь тиньдеенть кафта пара валнят,
Али сонь благославиндасть тинь?
|
Дон Гуан.
|
Аф, аф!
Ах, Лепорелло! сон свидания
Свидания тись теень.
|
Лепорелло.
|
Афкукс ли?
О, вдовойхне! Сембе тяфтамтад!
|
Дон Гуан.
|
Мон павазуван! Морамс ёран, морамс,
Мон радан тячи паламс сембе мирть!
|
Лепорелло.
|
А командорсь? Мезь азы сон тянь колга?
|
Дон Гуан.
|
Тон арьсят кармай кунендама сон?
Аф кармай, улема; сон ломаньсь ёню,
И маряк сетьмесь, кодак кенерьсь куломс.
|
Лепорелло.
|
Тинь ванодова сонь статуянц лангс.
|