ქ. ნებითა და შეწევნითა ღ(მრ)თისათა.
ჩუენ, მეფეთ მეფემან, პატრონმან როსტომ ესე უკუნისამდი ჟამთა და ხანთა გას{ა}თავებელი წყალობისა წიგნი და ნიშანი შეგიწყალეთ და გიბოძეთ თქვენ, ჩუენთა ერდგულთა და წესისაებრივ მრავალფერად თავდადებით ნამსახურსა ყმათა, ბარათაშვილს ხოსიასა, შვილთა შენთა, ოთარს, სა{ა}მს, ბერუკასა და მომავალთა სახლისა შენისათა ყოველთავე.
მას ჟამსა, ოდეს მოგუიდეგით კარსა და მამულის წყალობას გუიაჯენით, ვისმინეთ აჯა და მოხსენება თქვენი, შეგიწყალეთ და მოკითხული გიყავთ და ნოსტის ოძისი თავად ამას წინათ თქვენი სახლისკაცი ჯავახიშვილს ე[პყრა] და სანახში<ე>რედ დადებული გქონებია და მას უკან კიდევ, ყ{ა}ენის უღურზედ ციხე აგეღო და კაცნი დაგრჩომია და ახლა კიდევაც ნოდარ და არაგვის ერისთავი უკუგუიდგნეს, იმერელნი დარბაისელნი გუერც ახლდეს, მოუჴედით ქალაქიდამე და თქვენ მოწინავედ მოგვიძეღით და ჩუენს უღურზედ თავი არ დაიწყალობეთ, გააქციეთ და მრავალი სახელი ჰქენით, აწ, ამისად სამუქფოდ და საჯილდაოდ, რაც ნაძალადევად ბიძათქვენს, ქაიხოსროს ოძისა ჰქონდა ულუმბეხაშვილიანად ესე{ე}ბი ისრევ თქუენ შეგიწყალეთ და გიბოძეთ მთით ბარამდისინ, რისაც მქონებელი ოძისი ყოფილიყოს, ყოვლითურთ თქვენთუის და თქვენთა შვილთათვის გუიბოძებია სამკვიდროდ და საბოლოოდ, გქონდეს და გიბედნიეროს ღ(მერ)თ(მა)ნ ჩუენსა ერდგულად სამსახურსა შინა და არაოდეს არ მოგეშალოს, არა ჩუენგან და არა სხუათა მეპატრონეთაგან.
აწე, გიბძანებთ კარისა ჩუენისა ვექილ-ვეზირნო და სხუანო მოსაქმენო, ვინცა ვინ იყვნეთ და ანუ დღეის წაღმა იქნებოდეთ, თქვენცა ასრე დაუმტკიცეთ და ნურაოდეს ნუ მოუშლით და შე{ე}ცილებით, თუინიერ შეწევნისა და თანადგომისაგან კიდე.
დაიწერა ბ(რძანე)ბა და ნიშანი ესე ქ(ორონი)კ(ონ)სა ტლ, ჴელითა კარისა ჩუენისა მდივან-მწიგნობარის, თუმანიშვილის ბირთუელისით{ა}. როსტომ მეფის მსხლისებრი ფორმის ბეჭედი: "ქ. ყაენის ფეჴთა მტუერი, როსტომ მეფე ვამტკიცებ"