ဝိနယသံခိပ်/သာမဏေရ ပဗ္ဗဇ္ဇကံ ဆံရိတ်ခြင်း
၃၆၈။ သူ့မိ သူ့ဘ၊ ခွင့် ပြုမှ၊ ပြုရ ပဗ္ဗဇ္ဇာ။
၃၆၉။ ဆံရိတ် တစ်ခန်း၊ သင်္ကန်း ပေးတုံ၊ သရဏဂုံ ပေးငြား၊ ဤသုံးပါး၊ ခေါ်ငြား ပဗ္ဗဇ္ဇာ။
၃၇၀။ တိုက်တွင်းဝယ်တိ၊ သံဃာရှိ၊ ပန်ဘိ ဆံရိတ်မှာ။
သင်္ကန်းပေးခြင်း
၃၇၁။ ဥပဇ္ဈာယ်ဆရာ၊ အင်္ဂါညီလှ၊ ဆယ်ဝါရ၊ ပေးကြသင်္ကန်းမှာ။
၃၇၂။ ခိုင်းစေတုံလတ်၊ ကိုယ်စားမှတ်၊ ပြုအပ်ထေရ်ငယ်မှာ။
သရဏဂုံပေးခြင်း
၃၇၃။ ဥပဇ္ဈာယ်ဆရာ၊ အင်္ဂါညီမှ၊ ဆယ်ဝါရ၊ ပေးကြ သရဏာ။
၃၇၄။ နိဂ္ဂဟိတန်၊ မ ကာရန်၊ နှစ်တန် ပေးနည်းလာ။
၃၇၅။ ဌာန် ကရဏ၊ ပယတ် ကျ၊ ပြီသ လိုလှစွာ။
၃၇၆။ ဆရာလည်းပြီ၊ တပည့်ပြီ၊ စုံညီကြမှသာ။
ရှင်ပြုခန်း အမြွက်ပြီး၏၊
----------------